NTNU

NTNU – Norges Teknisk-Naturvitenskapelige Universitet

NTNU er eit internasjonalt orientert universitet med hovudsete i Trondheim og campusar i Gjøvik og Ålesund.

NTNU har teknisk-naturvitskapleg hovudprofil, ei rekkje profesjonsutdanningar og ei stor fagleg breidd som også inkluderer humaniora, samfunnsvitskap, økonomi, medisin, helsevitskap, utdanningsvitskap, arkitektur, entreprenørskap, kunstfag og kunstnarisk verksemd.

Forskingsmiljøa ved NTNU har eit godt og velutvikla samarbeid og partnarskap med næringslivet og det offentlege om forskarutdanning, studentprosjekt, utveksling av kunnskap og konkret kompetanse. Økosystemet for innovasjon og nyskaping ved NTNU omfattar ei lang rekkje aktørar og tenester. NTNU er partnar i fleire nasjonale klyngesamarbeid.