Friluftsliv

Kvifor studere friluftsliv?

Gjennom teori, praksis og ekskursjonar får du ei bachelorutdanning som gjer at du kan inspirere andre og gi gode naturopplevingar til menneske i ulike aldrar og livssituasjonar.

Sertifiseringar innan Norsk Idrettsforbund inngår i utdanninga, og gir deg mogelegheit til å fullføre ulike utdanningsstigar i løpet av bachelorutdanninga.

Du kan studere friluftsliv ved campus Sogndal. Der har du den flotte naturen rett utanfor døra. Som friluftslivstudent får du bruke fjorden og fjella som ein naturleg del av utdanninga di, mellom anna gjennom fordjuping i aktivitetar som topptur og fjellskiturar, klatring, havkajakk og brevandring. Den korte vegen til Sogndalsfjella, Sognefjorden og Jotunheimen, lang snøsesong og gode lærings- og treningsfasilitetar på campus, dannar ei unik ramme for klasseromma vi brukar i undervisninga.