Lektor nordisk

Det norske språket angår oss alle—vi bruker det kvar dag, og ser og høyrer det rundt oss heile tida. Samtidig er språket og litteraturen ein viktig del av historia og den nasjonale kulturen. Norskfaget er eit utfordrande og samansett undervisningsfag. Som framtidig norsklærar skal du skape leselyst og skriveglede hos elevane, men og bidra til kritisk refleksjon kring språket og tekstkulturen vår.

På lektorprogrammet diskuterer vi spørsmål som: 

Nordiskstudiet femner om litteratur og språk frå både eldre og yngre tid. Til fagområdet høyrer òg nordisk fagdidaktikk og norsk som andrespråk.  

• Kva vil det seie å skrive godt? 
• Korleis nyttar ein språk i ulike situasjonar? 
• Korleis kan litterære tekstar spegle den verda vi lever i? 

Litteraturundervisninga gir djupare innsikt i norsk og nordisk tekstkultur. Vi studerer norsk litteratur før og etter 1900, frå sagalitteraturen og Edda-diktinga til sakprosa og nyare fiksjonslitteratur. Du møter sentrale forfattarskap og ulike sjangrar, og får grunnlag for eige arbeid med skjønnlitteraturen.