Norrøn filologi

Den norrøne litteraturen byr på eit uvanleg rikt spekter av tekstar, ikkje minst den verdskjende islandske sogelitteraturen om norske kongar, dei nordiske heltane i fortida, og feidane til islandske stormenn. 

Det er ei brei historisk interesse for vikingtid og mellomalder i samfunnet, men dei færraste er i stand til å lese og tolke dei gamle kjeldene på eiga hand. Vi har ansvar for å ta vare på den felles kulturarven.  

Nokre av spørsmåla vi studerer, er:  

• Kva kjenneteiknar det norrøne språket, og korleis har det utvikla seg fram til i dag?   
• Korleis fungerer norrøne forteljingar? 
• Kva er forståingsrammene for den norrøne litteraturen, og kva er den mellomalderlege kulturelle konteksten for han?   

Studiet passar for deg som er motivert og sjølvstendig med interesse for språk, litteratur og/eller eldre kulturhistorie.