Musikkvitskap

Kva rolle har musikk i kultur og samfunn? I musikkvitskapen ser vi på musikk både som estetisk objekt og samfunns­fenomen.

Musikk vert nytta i alle slags sosiale situasjonar, som til dømes borneleik, ritual som bryllaup og gravferd, dans, underhaldning og kunst. Musikk er overalt og kan vera sterkt identitetsskapande.

I musikkvitskapen spør vi:

• Korleis nyttast musikk til å skape identitet i ei stadig meir globalisert verd?
• Kva er samanhengen mellom musikalsk kreativitet og teknologi?
• Korleis oppstår musikalsk meining?

Eit hovudspørsmål i faget er å undersøke korleis musikalske hendingar skjer. Det vil seia at prosessane og aktivitetane musikkhandlingane utgjer er viktigare enn formell analyse av musikkverk.