Norsk 2, trinn 5-10 (Kompetanse for kvalitet)

Kompetanse for kvalitet

Studietilbodet er ein del av Utdanningsdirektoratets strategi Kompetanse for kvalitet (KFK). 

Målgruppe

Lærarar på mellom- eller ungdomstrinnet med minimum 30 studiepoeng i norsk frå før.

Dette lærer du hos oss

Norsk 2 er ein vidareutdanning der du får faglege og fagdidaktiske kunnskapar og ferdigheiter innanfor sentrale område for ein norsklærar. Grunnleggjande ferdigheiter vil vere eit gjennomgangstema i heile studiet.

Her er nokre av emna du lærer om:

• Lese- og skrivedidaktikk
• Munnlegheit og retorikk
• Språkhistorie, dialektologi og sosiolingvistikk med vekt på ungdomsspråk
• Tekst- og sjangerkunnskap
• Barne-, ungdoms- og vaksenlitteratur
• Litteraturteori, litteraturhistorie og litteraturdidaktikk
• Adaptasjonsteori

Vidare utdanning

Med lærarutdanning og 60 studiepoeng i norsk kan du søkje opptak til master i norskdidaktikk.

Opptak gjennom Utdanningsdirektoratet

Påmelding til studiet går gjennom Utdanningsdirektoratet (Udir).  

Søkarar som får tildelt studieplass via Udir blir kontakta av USN når vi har motteke søkeroversikt. Vi sender e-post med informasjon om vidare søkeprosess og lenke til Søknadsweben. Det endelege opptaket blir gjort av universitetet innan utgangen av mai.

Viktige datoar:
1. februar: Åpnar for å søke hos Udir
1. mars: Frist for å søke
15. mars: Skuleeigar har handsama søknaden

• Generelle spørsmål om strategien Kompetanse for kvalitet (KFK) kan rettas til Udir. 
• Andre studietilbod innanfor strategien.