Bachelor i tradisjonskunst: tre-, metall- eller tekstilhandverk

Bachelor i tradisjonskunst: tre-, metall- eller tekstilhandverk

Er du interessert i kunst, håndverk og tradisjonar? Du kan spesialisere deg i instrumentmaking, tre-, metall- eller tekstilhåndverk.

Kvifor bachelor i tradisjonskunst?

Er du interessert i handverk, formgjeving og tradisjonar, kan du gjennom bachelor i tradisjonskunst fordjupe deg i dine interesser og få ein jobb der du bidreg til å forvalte, vidareutvikle og formidle kulturarven vidare. 

Studiet gjev deg praktisk og teoretisk innføring i tradisjonshandverk, formgjeving og tradisjonskunstens eigenart. Du vel å fordjupe deg i eitt av materialområda:

• Tre
• Metall
• Tekstil
• Instrumentmaking

Du får tett oppfølging gjennom alle tre studieåra, og møter mange av dei fremste fagpersonane innan tradisjonskunstfeltet i Noreg og Norden. 

Dette lærer du

Bachelorstudiet i tradisjonskunst: tre-, metall- eller tekstilhandverk inneheld ei brei innføring og vidare fordjuping i tradisjonskunst, innan eit av materialområda: tre, metall eller tekstil. 

Kjerneområda i studiet er:

Utøving og skapande arbeid, formidling og bransjekunnskap:

• Praktisk og teoretisk tradisjonskunnskap og tradisjonsfordjuping
• tradisjonelle handverksteknikkar og materialkunnskap
• utøving og skaping innan valt materialområde
• formidling og utstillingsarbeid
• tradisjonskunstens eigenart og formspråk
• materiell og immateriell kulturarv og deira gjensidige relasjon​​​​​​

Tradisjon og samfunn i eit lokalt og globalt perspektiv. Studiet fokuserar på ei heilskapleg forståing av:

• tradisjonskunst
• økologi
• samfunn
• etiske problemstillingar

Den utøvande/praktiske sida blir vektlagt. Studiet skal gje studenten innsikt i den sosiale og kulturelle konteksten til tradisjonskunsten både i eit lokalt, nasjonalt og internasjonalt perspektiv.

Forsking, kunstnarisk utviklingsarbeid og akademisk skriving er gjennomgåande tema fram mot den endelege bacheloroppgåva i tredje studieår. Her vel du sjølv ei retning for vidare fordjuping gjennom eit større prosjektarbeid.