Utøvande musikk eller komposisjon

Bachelorprogrammet i utøvande musikk eller komposisjon er delt i fire studieretningar:

Gjennom det fireårige programmet legg du grunnlaget for ei karriere som utøvande og skapande musikar, og eit grunnlag for vidare studium innan høgare utøvande musikk eller komposisjon. Utdanninga legg til rette for undersøkande og eksperimentelle tilnærmingar, og din eigen praksis og den individuelle rettleiinga er kjernen i utdanningsløpet.

Griegakademiet - Institutt for musikk tilbyr fagfolk og fasilitetar som hjelper deg å utforske eit breitt spekter av kunstnariske praksisar, metodar og uttrykk. Hos oss vektlegg vi kritisk tenking og sjølvstendig tilnærming. Undervisninga skjer individuelt og i grupper i hovuddisiplinen din. Du deltar i skapande aktivitet der du får høve til å utvikle og tilpasse din personlege stil i et allsidig kunstnarisk miljø. Studiet inneheld også emne som plasserer musikk i konteksten tid, kultur og samfunn, og du får innføring i relevant musikkteori og utøvande støttedisiplinar.

• utøvande klassisk
• utøvande jazz
• utøvande tradisjonsmusikk
• komposisjon

Studiet passer for deg som ynskjer å bli utøvande musikar, komponist eller arbeide i musikklivet.