Teatervitskap

Teatervitskap knyter saman teoriar om kunst og praktisk teater. Vi studerer skodespelarkunst, regi, dramaturgi og scenografi og korleis teateret kommuniserer med samfunnet og publikum. Teatervitskap er viktig for å forstå teateret i seg sjølv, men òg for å forstå litteratur, kunst, film og andre kultur- og kommunikasjonsformer.

Workshops med teaterutøvarar, ekskursjonar til utlandet og felles besøk på teaterframsyningar inngår i undervisninga, og du kan ha praksis ved teaterinstitusjonar eller i det frie scenekunstfeltet. 

I teatervitskapen drøftar vi spørsmål som: 

• Kva rolle har teater og kunst i samfunnet?  
• Kva betyding har teateret hatt gjennom historia?  
• Korleis kan ein engasjere seg i teateret som praksisfelt?   

Bachelorprogrammet i teatervitskap samarbeider med teater- og kulturinstitusjonar i Bergen og resten av landet. Vi har dessutan nær kontakt med Studentteateret Immaturus, der mange av studentane våre er engasjerte.