Sosialantropologi
Universitetet i BergenSosialantropologi
Det som skil sosialantropologi frå andre samfunnsvitskapar er at du kjem tett på menneske. Forskingsmetoden består først og fremst av deltakande observasjon på feltarbeid, som inneber å leve saman med folk i lang tid. Slik finn ein ut korleis verda blir forstått og kva som gir meining.
På masterstudiet i sosialantropologi kan du forske på det som interesserer deg aller mest, kor som helst i verda. Du får forme ditt eige, unike forskingsprosjekt frå skissestadiet til utføring av feltarbeid og analyse i etterkant.
Meir informasjon under
- tildelt fagleg rettleiar heilt i starten av studiet
- tre heile semester til di eige forsking
- tilgang til eigen lesesalsplass på instituttet
Mange sosialantropologar jobbar som kulturomsettarar, til dømes innanfor flyktning- og innvandringsfeltet, innanfor rusomsorg og barnevern, i både offentleg og privat sektor. Andre jobbar i næringslivet eller i internasjonale organisasjonar som Røde Kors eller FN.