Master i spesialpedagogikk

I eit samfunn som stadig er i utvikling er spesialpedagogisk kompetanse i aukande grad etterspurt. Ei mastergrad i spesialpedagogikk gir deg oppdatert kunnskap om individuelle, samfunnsmessige og politiske forhold som kan ha konsekvensar for barn og unge si utvikling, læring og deltaking.

NB. Frå hausten 2023 endrar programmet seg noko. For deg som starta hausten 2021 vil den utdanningsplanen du starta på gjelde til du er ferdig. 

Spesialpedagogikk handlar om å fremme god læring-, utvikling- og livsvilkår for barn, unge og vaksne som av ulike grunnar møter eller er i risiko for å møte funksjonshemmande vanskar og barrierar i si utvikling, læring og livsutfalding. Spesialpedagogikken si primære rolle er difor å hjelpe praksisfeltet i korleis vi ved bruk av spesialpedagogisk kunnskap kan førebygge at vanskar og barrierar oppstår og får utvikle seg, men og for å avhjelpe og redusere vanskar og barrierar som allereie finst.

• Leiarstilling
• Rådgivar i utdanningssektoren, t.d. PPT, BUP og Rettleiingstenesta
• Undervisning- og forskingsarbeid (inkl. Ph.d.) ved universitet og høgskule
• Administrativt arbeid knytt til studieavdelingar ved universitet og høgskule (studiekonsulent, programkoordinator m.m.)
• Arbeid med barn og unge med ulike læringsutfordringar i offentlege og private institusjonar

Master i spesialpedagogikk gir deg moglegheit for jobb på område der kompetanse innan læring og utvikling hos born, ungdom og vaksne med særskilte behov er relevant, til dømes innanfor kriminal- og rusomsorg, helse- og sosialsektoren, arbeidsinkludering, kultursektoren eller velferdsforvaltninga..