Lektor historie eller religion

For å bli ein dyktig og engasjert lærar må du ha både fagleg og pedagogisk kompetanse. Lektorutdanninga gir deg det du treng for å bli læraren som får elevane til å undre seg over religion og religiøsitet på tvers av kulturar og som set fortid, notid og framtid i samanheng. Kven er vi? Kor kjem vi frå? Kvifor ser samfunnet ut som det gjer?

Gjennom studium og praksis får du undervisningskompetanse i to fag. Det eine faget tar du master i, enten historie eller religionsvitskap. Begge faga er sentrale skulefag og undervisning i desse faga gir elevane oversikt og innsikt i menneska sine liv frå tidlege tider og fram til i dag.  

Historie er faget om fortida til menneska om samhandling og konflikt i ulike samfunn frå antikken til i dag, lokalt, nasjonalt og globalt. Faget handlar om kulturell, sosial, politisk og økonomisk utvikling over tid, og om kva klasse, nasjonalitet og etnisitet, alder og kjønn har å seie for samfunnsutviklinga. 

• Vel mellom historie og religionsvitskap. 

Du får òg undervisningskompetanse i eit fag nummer to, enten tysk, fransk, spansk, engelsk, nordisk, religionsvitskap, historie eller sosiologi.