Latin

Ved å studere latin lærer du eit språk svært få er kjende med, og du får eit unikt perspektiv på dagens kulturelle liv. Kjennskap til latin er viktig ikkje berre for studiet av den romerske antikken, men også for ei djupare forståing av kulturen i mellomalderen og den tidlegmoderne tida

Latin var Vest-Europas felles språk for kultur,  kyrkje, filosofi, jus og vitskap i fleire hundreår.  

På masterprogrammet i latin spør vi: 

• Kva kan vi lære av antikken sin litteratur?  
• Korleis framstilte romersk poesi farskap i antikken?  
• Korleis kom alfabetet til Noreg?  
• Kor mange bøker fanst det i Noreg før reformasjonstida?  
• Korleis lærte folk latin i mellomalderen? 

Latin er eitt av verdas mest langvarig brukte språk. Masterstudiet i latin gir praktisk øving i å tolke framande kulturuttrykk i deira eigen kontekst. Det øver opp evna til å skaffe seg oversyn over eit materiale, til å analysere det og å uttrykke seg nøyaktig. Ved å fordjupe deg i faget vil du bli kjend med ei verd som andre berre kan førestille seg.