Informatikk: Data science (datavitskap)

Informatikk (computer science), er vitskapen som ligg bak all programvare, frå enkle dataprogram, mobilappar og spel, til store IT-system, databasar og nettportalar. I dag er vi heilt avhengige av at informasjonsteknologien fungerer, og ved å studere informatikk lærer du kvifor og korleis. 

Du lærer å formulere problemstillingar på ein presis måte og å finne fram til kjernen av problemet uansett om det dreier seg om klimamodellering, aksjehandel, medisinsk bildehandsaming, eller eit nytt strategispel.

Data science er ei samling av metodar med føremål å trekkje ut kunnskap frå ulike typar data. I løpet av studiet vil du få ei oversikt over alle trinna i data science-prosessen, inkludert datainnsamling, dataførebuing, datahandsaming, dataanalyse med statistikk, maskinlærings- og visualiseringsmetodar, å implementere data science-løysingar og studere etiske og samfunnsproblem relatert til data science. Eit stort fokus er ei forståing for det teoretiske grunnlaget til maskinlæring og eit sett av konkrete algoritmar, programmering og bruk på reelle datasett. 

• IT-bransjen 
• finans- og bankvesen 
• oljeindustrien 
• forsikring 
• konsulentverksemder 

Sjølv om teknologien endrar seg, vil kompetansen og forståinga for teknologi som du får i løpet av studiet vere tidlaus.