Tilpassa opplæring og motivasjon i mangfaldige og fleirspråklege elevgrupper | Yrkesfaglærerløftet

Kvifor studere tilpassa opplæring og motivasjon i mangfaldige og fleirspråklege elevgrupper?

Norsk skule har som mål å være ein inkluderande skule med tilpassa opplæring for alle. Skulen skal ta omsyn til mangfaldet av elevar og leggje til rette for at alle får oppleve tilhøyrsle.

Ved å studere dette emnet vil du vidareutvikle din kompetanse i å planleggje, grunngje, gjennomføre og evaluere eiga undervisning i fleirspråklege og mangfaldige elevgrupper. Vi vil ha fokus på å leggje til rette for meiningsskaping, inkludering og lærelyst.

Kva lærer du?

Ved å gjennomføre denne vidareutdanninga vil du:

• lære om varierte metodar, arbeidsmåtar og digitale ressursar som fremjar læring i fleirspråklege elevgrupper på yrkesfaglege program.
• auke ditt medvit om korleis tilpasse undervisninga på yrkesfagfaglege program til elevar med ulik bakgrunn og ulike ferdigheiter i norsk
• kritisk granske eigen relasjonskompetanse og di evne til anerkjenning og forståing av sårbarheit i sosial utvikling og læring i fleirspråklege og mangfaldige elevgrupper
• inspirere til kunnskapsdeling, nytenking og bevisstgjering i profesjonsfellesskapet på din skule

Målgruppe

Dette emnet er for deg som er yrkesfaglærar og jobbar med yrkesopplæring i vidaregåande skule.

Praktisk informasjon

Undervisningsform

Studiet er delvis nettbasert med tre to-dagars samlingar, ei digital og to på campus Bergen. Det er lagt opp til studentaktive arbeids- og læringsformer. Innhald og arbeidsmåtar tek utgangspunkt i deltakarane sine erfaringar og undervisningspraksis. Mellom samlingane skal studentane prøve ut metodar og ressursar for fleirspråklege elevgrupper.

Studiet har to emner på 15 studiepoeng, ett hvert semester:
Les emnebeskrivelsene for YFL814/Tilpassa opplæring og motivasjon i mangfaldige og fleirspråklege elevgrupper (del 1) og YFL815 Tilpassa opplæring og motivasjon i mangfaldige og fleirspråklege elevgrupper (del 2)

Samlingar

Haust 2025
Samlingane vil vere frå kl 09.15-15 kvar samlingsdato.
• 17. - 18. september (campus Bergen) • 22. - 23. oktober (campus Bergen) • 19. – 20. november (digital) Eksamen: 3. - 4. desember (campus Bergen) Vår 2026 • 14. – 15. januar (på campus Bergen) • 4. – 5. mars (digital) • 8. – 9. april (på campus Bergen) Eksamen: 29. – 30. april (campus Bergen)

Tilrådde forkunnskapar

Det er inga tilrådde forkunnskapar, men innhald og arbeidsmåtar tek utgangspunkt i deltakarane sine erfaringar og undervisningspraksin.

Kvifor ta meir utdanning?

Eit arbeidsliv i rask endring er ein viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi:

• Ny oppdatert fagleg kunnskap
• Praktiske ferdigheiter innafor ditt fagområde eller et heilt nytt fagfelt
• Personleg utvikling
• Moglegheit for å byggje nettverk
• Eit forhandlingskort i framtidas lønsforhandlingar
• Moglegheit for opprykk i stillingskategori
• Moglegheit for meir ansvar eller nye oppgåver på jobb

Andre interessante studietilbod

• E-helse og digitalisering for HO & EL | Yrkesfaglærerløftet

• Vurderingspraksis og læreplanforståelse | Yrkesfaglærerløftet

Vidareutdanninga er eit nasjonalt tilbod innan Utdanningsdirektoratet (Udir) sin satsing «Yrkesfaglærarløftet». Før du kan søkje må du avklare med din rektor om du kan delta. Du søkjer vikar- eller stipendordning gjennom Udir.