Pleie og behandling av ikkje-helande sår

Kvifor studere pleie og behandling av ikkje-helande sår?

Det er behov for personell med spesialkompetanse innan sårbehandling på alle nivå av helsetenesta.

I løpet av dei siste 10-15 åra har pleie og behandling av sår vakse fram som eit eige fag. Det vitskapelege grunnlaget for faget har også hatt ei rivande utvikling i denne perioden.

Ved å studere pleie og behandling av ikkje-helande sår vil du få oversikt over fagområdet sine uttrykksformer, og bli i stand til å drøfte faglege problemstillingar, analysar og konklusjonar både på spesialistnivå og med allmenta.

Korleis er studien bygd opp?

Pleie og behandling av ikkje-helande sår er ei vidareutdanning på 30 studiepoeng som er bygd opp av to emne på 15 studiepoeng:

• SÅR1101 Generelle prinsipper for behandling av ikkje-helende sår
• SÅR1102 Behandling av sår forårsaket av systemiske sykdommer

Kva lærer du?

Ved å gjennomføre vidareutdanninga vil du mellom anna lære om:

• Generelle prinsipp for behandling av ikkje-helande sår
• Sårbehandlinga sitt fysiologiske og patofysiologiske grunnlag
• Sår som ikkje gror, generelle behandlingsprinsipp
• Behandling av sår forårsaka av systemiske sjukdommar
• Sår forårsaka av sjukdom i venøs, arteriell og lymfatisk sirkulasjon
• Sår forårsaka av trykk, nevropati og immunologisk/inflammatorisk sjukdom

Målgruppe

Dette er studien for deg som jobbar i helsetenesta og ønskjer meir kunnskap om behandling av sår.

Praktisk informasjon

Undervisningsform

Kvart emne er delt inn i to tema, og kvart tema startar med ei samling på fire dagar. Her vil fleire av dei leiande ekspertane i landet førelese om utvalde emne relatert til dei aktuelle tema.

Mellom modulane vil kommunikasjon, rettleiing og innlevering gå føre seg ved hjelp av internettbaserte hjelpemiddel.

Samlingar

Haust 2025:

SÅR 1101 Generelle prinsipp for behandling av ikkje-helande sår

Samling 1: veke 36
Fysisk samling: måndag 01.09 til og med torsdag 04.09.2025

Samling 2: veke 42
Fysisk samling: måndag 13.10 til og med torsdag 16.10.2025

Eksamensperiode SÅR 1101: 10. november – 28. november 2025
(med atterhald om endringar)

Vår 2026:

SÅR 1102 Behandling av sår forårsaka av systemiske sjukdommar

Samling 3: veke 2
Fysisk samling: måndag 05.01 til og med torsdag 08.01.2026

Samling 4: veke 10
Fysisk samling: måndag 02.03 til og med torsdag 05.03.2026

Eksamensperiode SÅR 1102: 13. april – 1. mai 2026
(med atterhald om endringar)

Tilrådde forkunnskapar

Det er inga tilrådde forkunnskapar, men opptakskravet er bachelorgrad i helse- og sosialfag.

Pensum

Du mottek informasjon om pensum når kurset startar.

Eksamensform

Individuell skriftleg oppgåve

Kvifor ta meir utdanning?

Eit arbeidsliv i rask endring er ein viktig årsak til at mange skaffar seg meir fagleg tyngde. Her deler vi fleire fordelar som etter- og vidareutdanning kan gi:

• Ny oppdatert fagleg kunnskap
• Praktiske ferdigheiter innafor ditt fagområde eller et heilt nytt fagfelt
• Personleg utvikling
• Moglegheit for å byggje nettverk
• Eit forhandlingskort i framtidas lønsforhandlingar
• Moglegheit for opprykk i stillingskategori
• Moglegheit for meir ansvar eller nye oppgåver på jobb

Andre interessante studietilbod

• Infeksjonssykepleie og smittevern

• Gastrosykepleie