Innovasjon og endringsledelse

Kvifor studere innovasjon og endringsledelse?

Kurset i innovasjons- og endringsleiing gir ei effektiv innføring i ulike utfordringar og moglegheiter som verksemder må handtere.

Gjennom kurset får du kunnskap om og forståing av kva innovasjon inneber, korleis innovasjon kan skje i organisatoriske samanhengar, korleis innovasjon kan påverkast gjennom organisering og leiing, samt kva faktorar som kan verke fremjande og hemmande på innovasjon.

Innovasjon inneber endring. Kurset vil sjå nærare på endring i organisatoriske samanhengar, og leiing av ulike endringsprosessar. Deltakarane får opparbeidd seg kunnskap om og forståing av drivkrefter som ligg bak endringar, ulike typar organisasjonsendringar og omfang av desse, kva endringsprosessar i organisasjonar kan innebere, betydinga av konteksten endring finn stad i, samt endringsstrategiar og leiing av endringsprosessar.

Kva lærer du?

• Innovasjons-, endrings- og omstillingsperspektiv
• Leiingsteoriar og -strategiar
• Innovasjon i eksisterande verksemder, verdiskaping og intraprenørskap
• Innovasjonssystemet, næringsklynger og verdikjeder
• Om innovasjonens tidsalder
• Innovasjon i norske næringar
• Tilnærmingsmåtar, metodar og verktøy i innovasjonsarbeid (prosjektarbeidsforma, produkt-/tenesteutvikling, forretningsutvikling)
• Organisasjonsutvikling/-læring
• Motstand mot endring

Du finn meir informasjon i emneplanen

Målgruppe

Emne passer for deg som ønsker å lære om kva for mogelegheiter og utfordringar som ligg i innovasjon og endringar i organisasjonar, og korleis ein best kan utnytte dette.

Emnet blir tilbydt i samarbeid med utdanningsselskapet Addisco, som er eigd av forbundet Styrke.