Forkurs, realfagskurs, Y-veg og TRES

Forkurs

Forkurs er perfekt for deg som har yrkesfagleg utdanning, men som manglar generell studiekompetanse. Det er eit eittårig kurs som gir deg faga du treng for å søke opptak til ei ingeniørutdanning, nautikk eller integrert masterstudium i teknologiske fag. Faga som inngår er matematikk, fysikk, norsk, engelsk, teknologi og samfunn.

HVL tilbyr forkurs med undervisning på campus Bergen:

• Forkurs | Bergen | heiltid over eit år

Realfagskurs

Realfagskurset er eit studium i matematikk og fysikk som kvalifiserer deg til opptak på ingeniør- og sivilingeniørutdanningar. Kurset passar for deg som har generell studiekompetanse, men manglar fordjuping i matematikk og fysikk. Pensum omfattar det vesentlege av matematikk R1, R2 og fysikk 1. Kurset gir deg eit solid fagleg grunnlag, spesielt tilpassa krava i ingeniørutdanningane.

Bestått realfagskurs dekker krav til R1, R2 og fysikk 1 ved opptak til høgare utdanning i Noreg.

HVL tilbyr tre variantar av realfagskurset:

• Realfagskurs | Bergen | heiltid over eit halvt år
• Realfagskurs | Bergen og Haugesund | deltid over eit år
• Realfagskurs | Førde | nett- og samlingsbasert | deltid over eit år

Y-veg

Y-veg er ein tilrettelagd utdanning for deg med yrkesfag eller relevant fagbrev som ønskjer å ta ingeniør- eller nautikkutdanning. Du kan gå direkte frå yrkesfagleg utdanning til ei bachelorgrad utan å ta generell studiekompetanse, forkurs eller påbygg.

Denne utdanningsvegen byggjer på den praktiske erfaringa di, samtidig som du får nødvendig teoretisk kunnskap i grunnleggjande matematikk, fysikk og norsk i løpet av studietida.

Slik fungerer y-veg:

Studiet startar med eit seks veker langt obligatorisk sommarkurs i grunnleggjande matematikk tilsvarande R1 og R2. Eksamen gjennomførast i august.

Etter sommarkurset startar du på bacheloren i august. Du tek fysikk og norsk parallelt med dei ordinære faga i studiet. Pensum i fysikk og norsk tilsvarar nivået frå vidaregåande skule.

Når du er ferdig med første året, er du komme likt med studentane som er tatt opp gjennom det ordinære opptaket. Du fullfører utdanninga på tre år.

HVL tilbyr y-veg i Førde og Haugesund:

• Yrkesveg | Førde og Haugesund | integrert løp

Tresemesterordninga (TRES)

Tresemesterordninga, ofte kalla TRES, er eit tilrettelagt studieløp for deg som har generell studiekompetanse, men som manglar fordjuping i matematikk og fysikk for opptak til ingeniørutdanning. Gjennom TRES kan du fullføre ein bachelorgrad i ingeniørfag på tre år.

Slik fungerer TRES:

Studiet startar med eit seks veker langt obligatorisk sommarkurs i grunnleggjande matematikk tilsvarande matematikk R1 og R2. Eksamen gjennomførast i august.

Etter sommarkurset startar du på ingeniørutdanninga i august. Du tek fysikk parallelt med dei ordinære ingeniøremna. Pensum i fysikk tilsvarar nivået frå fysikk 1 ved vidaregåande skule.

Når du er ferdig med første året, er du komme likt med studentane som er tatt opp gjennom det ordinære opptaket. Du fullfører utdanninga på tre år.

HVL tilbyr TRES i Førde og Haugesund:

• Tresemesterordning | Førde | integrert løp
• Tresemesterordning | Haugesund | integrert løp