Engelsk 1 | 5.-10. trinn | nettbasert | Kompetanse for kvalitet

Kvifor studere engelsk?

Ein dyktig engelsklærar kan hjelpe elevane med å utvikle sterke språklege ferdigheiter, inkludert munnleg kommunikasjon, skriveferdigheiter, leseforståing og grammatikk. Med gode engelskkunnskapar kan du som lærar gjere dine elevar betre førebudde på internasjonale moglegheiter, som studiar i utlandet, jobbmoglegheiter i engelskspråklege land og deltaking i internasjonale prosjekt og samarbeid i framtida.

Korleis er studien bygd opp?

Studiet har to emne som bygger på kvarandre, emne 1 blir undervist i haustsemesteret og emne 2 i vårsemesteret.

• Engelsk 1, emne 1 Engelsk språk, litteratur og kultur med fagdidaktikk 1
• Engelsk 1, emne 2 Engelsk språk, litteratur og kultur med fagdidaktikk 2

Kva lærer du?

Studiet vil gi deg kunnskap om det engelske språket sin grammatiske og fonologiske struktur og utvikling av eiga språkferdigheit, tekstkompetanse og aktivt ordforråd. I tillegg gir studiet innsikt i ulike læringsaktivitetar og arbeidsmåtar.

Den praktiske erfaringa di vert trekt inn i videreutdanninga, og det er eit mål at studiet skal tilføre skulen du underviser på oppdatert fagleg og didaktisk kompetanse.

Målgruppe

Engelsk 1, 5-10 rettar seg i hovudsak mot deg som er lærar på mellom- og ungdomsskuletrinnet, og som manglar formell kompetanse i engelsk frå før.

Praktisk informasjon

Undervisningsform og studietur

Studiet er nettbasert og består av forelesningar, presentasjonar, seminar og gruppeinndelte økter. Undervisinga er på engelsk.

Vi nyttar læringsplattforma Canvas og konferanseverktøyet Zoom til kommunikasjon med deg i dette studiet. Digitale pedagogiske verktøy blir og tatt i bruk i studiet.

I studiet inngår tilbod om ei vekes tur til Det norske studiesenteret i York. Turen er ein del av undervisninga i emne 2 om våren, men er ikkje obligatorisk. Du må sjølv dekkje reiseutgifter, opphald og kursavgift. Dersom du ikkje kan delta, får du tilbod om eit alternativt opplegg. Sjå: https://www.york.ac.uk/nsc/short-courses/

Du også skal gjennomføre eit klasseromretta didaktisk prosjekt der du reflekterer over eigen praksis, og skal òg kunnskapsdele med kollegaer og minst ein frå leiinga.

Tidspunkt for nettundervisninga

Nettundervisning er tysdagar kl. 14.00 til 16.00.
Gjelder begge emner og begge semester (høst og vår).

Høst 2025: Første undervisningsdag er tirsdag 19. august 2025.

Vurderingsform

• Emne 1: Munnleg eksamen
• Emne 2: Deleksamen - Semesteroppgåve og kunnskapsprøve

Pensum

Du får informasjon om pensum ved studiestart.

Tilrådde forkunnskapar

Det er anbefalt at du har gode engelskkunnskaper frå vidaregåande skule.

Stipendordning for lærarar i skulen

Jobbar du i skulen, kan du søkje om vikar- eller stipendordning gjennom Utdanningsdirektoratet. Søknadsperioden er frå 1. februar til 1. mars. Les meir om tilretteleggingsmidlar, vikar- og stipendordning frå Utdanningsdirektoratet på udir.no

Du må sende to søknader i 2025:
Ein søknad til Utdanningsdirektoratet for finansiering, frist 1. mars.
Ein søknad til HVL for opptak på vidareutdanningstilboda våre, frist 15. april.
Søkjarar som har fått innvilga frikjøpsordning frå Udir, blir prioriterte i opptaket.