Andrespråkspedagogikk | Kompetanse for kvalitet

Kvifor studere Andrespråkspedagogikk?

Andrespråkspedagogikk gir innsikt i korleis menneske lærer eit nytt språk og kva utfordringar dei kan møte undervegs. Dette gjer det enklare for deg som er lærar å tilpasse undervisninga for å møte individuelle behov.

Korleis er studien bygd opp?

Andrespråkspedagogikk består av to 15-studiepoengsemne:

1. Andrespråkspedagogikk 1
2. Andrespråkspedagogikk 2 (fordjuping)

Kva lærer du?

Ved å gjennomføre denne vidareutdanninga vil du lære om:

• Tospråklegheit og andrespråkslæring, mellomspråk og mellomspråkutvikling.
• Fleirkulturell undervisning og skule.
• Lese- og skriveopplæring for minoritetselevar, grunnleggande ferdigheiter.
• Norsk språk i komparativt perspektiv.
• Arbeid med munnleg norsk og munnlege sjangrar når norsk er andrespråket.
• Utvikling av ordtilfang og lesing av fagtekstar.
• Litteraturundervisning og litterær samtale når norsk er andrespråket.

Målgruppe

Utdanninga passer for deg som arbeider som lærar i grunnskulen og har lærarutdanning.

Praktisk informasjon

Undervisningsform

Studiet er nett- og samlingsbasert med tre obligatoriske samlingar per semester. Samlingane lagt til Høgskulen på Vestlandet i Bergen, og vil gå over 2-3 dagar.

Studiet er organisert som ei blanding av samlingar, sjølvstudium, arbeid i studiegruppe og arbeid på nettet.

Læringsplattforma er Canvas.

Samlingsdatoar

Høst 2025
ASP801. Fysisk undervisning på campus Kronstad
Uke 35: mand. 25., tirsd. 26. og onsd. 27. august
Uke 42: mand. 13., tirsd. 14. og onsd. 15. oktober
Uke 47: mand. 17. og tirsd. 18. november

Vår 2026
ASP802. Fysisk undervisning på campus Kronstad
Uke 3: mand. 12. og tirsd. 13. januar
Uke 10: mand. 2., tirsd. 3. og onsd. 4. mars
Uke 18: mand. 27. og tirsd. 28. april

Tilrådd forkunnskap

Det er krav om at du må vere tilsett i ei lærarstilling.

Pensum

Gujord (2023). Å studere andrespråksutvikling. Fagbokforlaget.
Du får mer informasjon om pensum ved studiestart.

Eksamensform

• Emne 1: Skoleeksamen, 6 timer.
• Emne 2: Heimeeksamen på 10 dagar

Stipendordning for lærarar i skulen

Jobbar du i skulen, kan du søkje om vikar- eller stipendordning gjennom Utdanningsdirektoratet. Søknadsperioden er frå 1. februar til 1. mars. Les meir om tilretteleggingsmidlar, vikar- og stipendordning frå Utdanningsdirektoratet på udir.no

Du må sende to søknader i 2025:
Ein søknad til Utdanningsdirektoratet for finansiering, frist 1. mars.
Ein søknad til HVL for opptak på vidareutdanningstilboda våre, frist 15. april.
Søkjarar som har fått innvilga frikjøpsordning frå Udir, blir prioriterte i opptaket.