Intervju med UiB - studenter

Universitetet i Bergen

Namn: Mari Skuggedal Myksvoll

Alder: 25 år

Studium: Master i geofysikk (fysisk oseanografi)

Arbeidsplass: Havforskingsinstituttet

Stilling: Forskar

Ei av arbeidsoppgåvene mine er å dra på tokt med havforskingsinstituttet for å samle inn data som blir brukte til å studere fysiske prosessar i havet. På tokt måler vi saltinnhaldet og temperatur fleire stader samtidig, for å studere geografiske forskjellar. Vi set også ut instrument som gjer kontinuerlege målingar, og dermed seier noko om korleis forholda forandrar seg over tid.

Les meir om geofysikk og geologi!

Namn: Eli Gilje

Alder: 24 år

Studium: Master i petroleumsteknologi (reservoarkjemi)

Arbeidsplass: Roxar, avdeling Bergen

Stilling: Reservoaringeniør

Roxar leverer utstyr og programvare til dei store oljeselskapa. Eg sit ute hos hovudkunden deira, StatoilHydro, der eg anten arbeider på deira prosjekt eller sit som 'onsite' support. Eg hjelper dei med å bruke den programvara som Roxar leverer og som tolkar reservoar med petroleum. Teknologien bidreg til å auke utvinninga av petroleumsressursane og redusere kostnadane ved feltutvikling. Eg skal også vere med på å vidareutvikle og halde kurs i programvara.

Les meir om teknologi, fysikk og kjemi!

Namn: Øystein Slørdahl Hjertvik

Alder: 27 år

Studium: Master i informatikk (bio-informatikk)

Arbeidsplass: Agresso R&D AS

Stilling: System Design Architect

Eg jobbar blant anna med krav til produktet vårt - analyserer krava, finn ut kva kundane våre treng og korleis vi skal implementere dei. Eg lagar også brukargrensesnitt og sørgjer for at det vi lagar er pent og enkelt å bruke. I tillegg sørgjer eg for at alle på teamet har oppgåver og gjer ting i riktig rekkjefølgje. Dessutan kommuniserer eg med dotterselskapa våre ute i verda - hjelper ein konsulent i Belgia med eit problem, eller svarar på spørsmål rundt neste utgåve av IT-løysinga vår.

Les meir om informasjons- og datateknologi!